من هو جيسي ليفرمور الذي لٌقب بالدب الكبير لوال استريت !


Print Friendly, PDF & Email

لو انت واحد من اللي شغالين في البورصة أو الفوركس أكيد سمعت اسم جيسي ليفرمور قبل كده، ولو لسه متعرفش هو مين فالحدوته اللي هتقرأها دي في نهايتها هتخرج عارف جيسي ليفرمور كويس وممكن كمان تتمنى تكون خليفته في البورصة

 

ليفرمور ولد عام 1877م في منطقة اسمها جنوب أكتون،  هرب مع والدته هربا من الحياة الريفية اللي كان والده بيربيه فيها وعايز يخليه يكمل مشوار حياته فيها، وبدأ يشتغل في وظيفة المتاجرة في أسواق المال من عمر 14 سنة !!!

 

لما وصل سن جيسي ليفرمور لـ 15 سنة لقى إنه قدر يحقق 1000 دولار يعني بما يعادل في وقتنا الحالي ( 23,000 ألف دولار )  .

طبعا على مدار حياة ليفرمور كسب و خسر العديد من الثروات تقدر بملايين الدولارات ، منها مكسبه الكبير في صفقة البيع على المكشوف لشركة ” Union Pacific للسكك الحديدية” قبل حدوث زلزال سان فرانسيسكو في عام 1906 و اللي خلى أرباحه توصل لـ 3 مليون دولار ، و بعد كده 100 مليون دولار بعد سقوط السوق في 1929م (بما يعادل 1384 مليار دولار في عام 2014م).

 

و ده خلاه يلقب “بالدب الكبير لوال استريت_كناية عن عمليات البيع على المكشوف اللي قام بيها_.

 

ركزوا بقى في النقطة الجايه لأنها مهمه جداً في حكاية جيسي ليفرمور  😎 

 

بعيدا عن إن ليفرمور كسب و خسر كتير بس الأهم إن هو نفسه قال: إن سبب خسارته للثروات اللي عملها هو تخليه عن خطته و قواعده الأساسية اللي حطها لنفسه

و ده لو يعلمنا حاجة فهي ضرورة الإلتزام و إحترام الخطة الموضوعة و عدم الخروج عنها مهما كانت المغريات طالما إنها أثبتت نجاحها.

نهاية الحدوته مأساوية شوية .. جيسي ليفرمور مات منتحر إختلف كتير في هل إنتحاره كان بسبب خسائره أم بسبب مشاكل عائلية و نفسية خاصة إنه إتجوز 3 مرات  😀

 

لو عجبتك المقال .. تقدر تعمل Share عشان الناس تعرف اكتر عن الراجل ده .. وقولنا مين تاني سمعت عنه في مجال البورصة وأثر فيك ؟؟

شاهد ايضاً

ساعدنا في نشر المعرفةShare on LinkedInShare on RedditTweet about this on TwitterShare on Google+Share on Facebook
أحمد جمال

أحمد جمال

مدير الإدارة التعليمية و محلل فني للبورصة المصرية بـ Chart Voice