تعّرف على مصادر الدولار في مصر

مصادر الدولار في مصر

Print Friendly

كتير من الناس سمعت عن ازمه الدولار اللي موجوده في مصر واكثر من محلل وخبير اقتصادي تناول شرح الموضوع واسبابه .. احنا هنا مش هنتكلم على ازمه الدولار .. بس هنتكلم على الدولار في مصر بيجي منين 😉  ؟؟

الدولار الأمريكي بيدخل اقتصاد مصر من : 

 

(1) اولهم الصادرات بتاعتنا للخارج يعني بنصدر للناس اللي بره مصر سلع وبناخد منهم دولارات .

(2) وبرده المصريين اللي بيشتغلو بره مصر وبيبعتو الحوالات الدولارية لاقاربهم هنا في مصر , ده غير الناس اللي بتيجي تشوف الاهرامات وابوالهول العظيم وتروح شرم الشيخ فبييجو بالدولارات ويحولو عملتهم هنا بالجنيه عشان يصرفوا ويظقططوا .

(3) وقناة السويس طبعا اللي بتربط بين البحر الاحمر والمتوسط وبتخلي المراكب الكبيــــــــــــــــــــــــــــــــرة اوي ديه واللي بتنقل البضائع بين الدول تعدي عندنا وبتدفع رسوم بالولار وعملات تانيه .

(4) بخلاف إننا لما بنكون مزنوقين شوية بنستلف قروض من بره وبسعر فائدة طبعا بالدولارات , ده غير المساعدات والمنح اللي مبنرجعهاش طبعا …..

 

كل اللي فات ده عرفنا فيه الدولارات بتيجي منين , طيب بتروح فين بقي ؟؟؟
احنا كشعب مصر بنيجيب كل حاجه من بره (الواردات) اكل وشرب ولبس وايباد وكاميرات كانون للتصوير والشغل ده , فلازم تدفع بالدولارات لأن الناس اللي بره مش عاوزين العملة بتاعتك .

 

ولو فاكر القروض اللي انت استلفتها من شوية فبعد وقت معين لازم تسددها وترجع يا فندم وبفوائدها كمان وبرده بالدولار.
ده غير الناس اللي بتعمل تحويلات للخارج باختلاف الاسباب من مشتريات خاصة او تحويلات لاقارب

 

هـا قولنـا ايـه كمان يعتبر مصدر من مصادر الدولارات في مصر ؟؟

ساعدنا في نشر المعرفةShare on LinkedInShare on RedditTweet about this on TwitterShare on Google+Share on Facebook

شاهد ايضاً

التعليقات

التعليقات

عاصم ابو العز

عاصم ابو العز

مدير ادارة البحوث والتحليلات الاقتصادية، إستشاري دراسات جدوى المشروعات الاقتصادية، عضو الاتحاد الدولي للمحللين الفنيين