علاء صبحي يكتب : تاثير العاطفه علي التداول


Print Friendly, PDF & Email

هنتناول في المقال ده كيف تؤثر العاطفه وتسيطر علينا في التداول في اي سوق من اسواق المال وكيف نتجنب تلك العواطف التي تؤدي حتميا الي الخساره .!

في الحقيقه ان نسبه كبيره جدااا من المضاربين في الاسواق الماليه بيتاثروا بعاطفتهم في السوق وللاسف النوع ده من المشاكل مفيش حد يقدر يغيره غير الشخص ذات نفسه اي لاتوجد استراتيجيه معينه للعاطفه مثلا ديه طبيعه بشريه وهي بتاثر وفعاله جدا في السوق زي بالضبط كده التحليل الفني ازاي بيكون صح الفكره ببساطه هي تكرار نفس رد الفعل للبشر وده من زمااااااان جدا وحسب احصائيات من محترفين في اسواق المال زي سام سيدين و وران بافيت ان العاطفه هي سبب 40% من الخساره في اسوق المال  .


علشان كده عاوز ابدا الاول معاكم  ب ايه هي المواقف المختلفه التي نمر  بها في فتره التداول وبتاثر علينا من غير ما نعرف او نلاحظ.

Emotion-vs-Logic_grande

1.الا وهي الفراغ .. اغلب الناس المتفرغه بشكل عام بيضاربوا حتي وان لم يوجد اي فرص حقيقه حسب استراتيجيته في السوق يبدا  في  دخول صفقه لمجرد انه له  فتره لم يتداول طبعا هنا مش بيكون التزم باستراتيجيته  و اتاثر بعاطفه بتاعته انه يدخل صفقه بدون ميدرسها كويس لمجرد ميوله ان السعر هيطلع او ينزل وهنا بالطبع اثر ت فيه بشكل كبير الطمع .

2.المضارب المشغول … ده في الغالب بيكون التداول ليس هو مجاله الوحيد في الغالب بيكون انه في وظيفه اخري بجانبها يتداول طيب النوع ده بتاثر عليه العاطفه ازاي . انا اقولك ببساطه احيانا بتفوته فرصه حسب استراتيجيته لانه راجل مشغول ف قدامه حل من 2 يا يدخل ب استوب لوس كبير يا اما ميدخلش من الاساس في الاغلب هنا بيدخل الصفقه وتلاقي بعد كده الصفقه عكست عليه وضربت ستوب هو هنا مالتزمش ابدا باستراتيجيته + خساره كبير + ان هتقل ثقته في الاستراتيجيه المتبعه وده هنتناقش فيه بشكل مبسط .

3.الصبر …هنا بقا نيجي لنوع معين من المضاربين واغلب الذين يقعون  في تلك  النقطه هم المبتدئين! المفروض في اسواق المال انك تصبر علي الربح وليس الخساره في الحاله ديه بيحصل العكس

انه بيصبر علي الصفقه الخاسره علي امل انها ترجع تاني للربح ف هنا قدامه حل من2 يا يقفل الصفقه علي خساره كبببببببيره جدا يا يفضل سايبها علي نفس الامل وتفضل تخسر لحد ما يخسرالمحفظه كامله.

4.تقبل الخساره ….. في فئه كبيره جدا من الناس بتكون داخله تحدي مع السوق مثلا خسر صفقه يبدا بدخول صفقه ثانيه وليس بها اي شروط استراتيجيته علي امل التعويض النوع ده في الغالب بيبقي مصيره فشل كبيير جدا لازم تتقبل الخساره واكيد اي حد في سوق المال عارف كويس انه بيكسب من حد تاني خسر ليس بالضروره ولكن ده هو الاساس انك اذا بعت وقرارك بيع في علي الطرف الاخر شخص محلل ومقرر يشتري واحد بس هو ال صح ف علشان كده لازم تتقبل الخساره عادي جدا وتشتغل علي انك تقللها .

5.تغير الاستراتيجيه … ال بيحصل هنا انك بعد سلسله من الارباح تبدا تقتنع جدا بالادوات ال بتستخدمها ثم تاني مرحله بيبقي فيها سلسله من الخساير عاطفتك هنا بتاثر عليك بشكل كبيييير جدا في انك تفكر في تغيير الاستراتيجيه الخاصه بك والحقيقه ان اي استراتيجيه بتخسر وبتكسب حسب مراحل السوق السوق انت خسرت شهر كسبان الشهر الفات في شخص تاني خسر الشهر الفات كسب الشهر ده المهم انك تطور استراتيجيتك وتقلل الخساير .

6.الخوووف والتردد…. في فئه كبيره جدا من المتداولين خاصه المبتدئين اول ما بيدخل صفقه بيفضل قدام الشاشه حتي تنتهي ده مش صح ابدا لان طبيعه السوق هو انه مذبذب وده بياثر عليك وعلي قرارك بشكل كبير لو فضلت قدام الشاشه كتييير جدا مننا في البدايه وقت دخول صفقه تلاقي السعر بدا يعكس ويعكس جامد وقرب يضرب  ستوب  لوس تبدا انت عاطفتك تاثر عليك ان خلاص الصفقه  خسرانه وتقفلها تلاقي السعر بعد كده رجع تاني في منطقه الربح وانت قفلت الصفقه وبعد كده تبدا تقول ياريتني كنت دخلتها! الافضل انت ملتزم باستراتيجيه نفذها بالتمام واشتغل علي تطويرها .

7.الثقه…كتير جدا حصل مع المضاربين خاصه المبتدئين ان بعد سلسله من الارباح يبدا في زياده الثقه الثقه بحد ذاتها شي جميل جدا ولكن لاتصل لدرجه الغرور والثقه المفرطه في السوق في تلك الحاله يبدا المضارب بدخول بعقود اكبر لان عنده ثقه ان الصفقه مضمونه ثم يحصل العكس وتبدا الصفقه بالخساره واحد ه تلو الاخري ويبدا في مرجنه المحفظه ومن ثم تغيير الاستراتيجيه !


 

بعد ما تناولنا بعض المواقف المختلفه وكيف نتاثر بالعاطفه لازم نعرف ازاي نبعد عن التاثير السلبي ليها

 

1.لازم يبقي عندك استراتيجيه واضحه وصريحه وشامله الاتي : 1.مكان ووقت الدخول والخروج من الصفقه

:2.مكان وضع ال تيك بروفيت ومكان وضع الاستوب

2.بعد سلسله من الخساير لا تلوم السوق او الشركات فقط طور استراتيجيتك واعرف نقط الضعف التي بها لا يوجد مانع ان سالت محترف

3.دون بشكل يومي اسباب دخولك الصفقات وراجع بشكل اسبوعي الاخطاء هذه طريقه فعاله جدا في انك تبقي محترف وتقلل خسايرك

  1. التزززززززززم التزام كامل باستراتيجيتك في كل شي ال تيك بروفيت وقت دخول وخروج وال ستوب لوس
  1. حدد وقت معين انت شايف انك بتعرف تضارب فيه شوف اي سوق انت بتحب تضارب في وقته لو انت في الفوركس مثلا الفتره الامريكيه ولا اليابانيه لازم تحدد اي فتره بتكون قويه مع استراتيجيتك .

6.طور من نفسك بشكل دايم ولا تقف عن التعليم

[alert type=warning] ” هذه المقالة تعبر عن رأي صاحبها ، و ليس من الضروري أن تعكس رأي Chart Voice “ [/alert]

شاهد ايضاً

ساعدنا في نشر المعرفةShare on LinkedInShare on RedditTweet about this on TwitterShare on Google+Share on Facebook
علاء صبحي

علاء صبحي

قلم حر : محلل فني في اسواق المال