أخطر 4 اوقات في سوق الفوركس !!


Print Friendly, PDF & Email

من أكتر الجُمل اللي بتسمعها عن سوق الفوركس : سوق تبادل العملات الاجنبيه ، انه سوق خطر وانت بتدخل فيه عشان تخسر فلوسك .. وعلي فكره دي حقيقه 😯  

انت هتخسر فلوسك فعلاً لو مش عارف تتاجر ازاي وداخل المجال ده لمجرد انك سمعت انه كويس

 يعني قبل ما تفكر تدخل اي سوق خاص بالبورصة أتعلم الأول ومتستعجلش عشان في الآخر تعرف ازاي تحقق أفضل ربح في المجال ده .


 

في 4 اوقات من اخطر الأوقات في التداول في سوق الفوركس وهنقولهم مع بعض دلوقتي

 

بس خليك عارف ان علي اد ما هما خطريين علي اد ما فيه ناس بتعرف تعمل منهم فلوس بس الناس دي عندها خبره بالموضوع فلو عندك الخبرة هتعرف تحقق مكسب فيهم، انما لو معندكش الخبرة الكافيه يفضل انك تتجنب السوق في الأوقات دي . 

 

الجمعة

 

1. يوم الجمعة : كتير من الناس بتخسر يوم الجمعه وده راجع لأنـه اخر يوم في الأسبوع ، وفي ناس بتبقي فاتحه صفقات وعايزه تقفلها قبل انتهاء الأسبوع واللي اوقات كتير يُسبب حركه عنيفه في السوق او حركه انت مش متوقعها على العملات .

 

الأحد

 

2.يوم الأحد : ناس كتير هتستغربنا واحنا بنقول يوم الأحد ،، بس يوم الأحد التداول بيكون فيه فى آخر ساعاته مع افتتاح السوق وعشان التداول بيحصل في فتره صغيره في اليوم فـ ده بيؤدي لحركات غير متوقعة .. فيفضل انك تستني لما تشوف
السوق يهدي ويستقر اول ما يفتح وبعد كده تبدأ تداول.

 

الاخبار

 

3. التقرير الأخبارية : ناس كتير بتتفاجئ جوا السوق بحركات عنيفه وهي مش عارفه السبب ايه ده اوقات كتير بيكون راجع لأحداث اخبارية بتحصل دلوقتي اثرت علي عمله انت فيها وبالتالي سببت حركه عنيفه .. طيب انت ممكن تعمل ايه عشان تتجنب المتاجرة وقت الأخبار لو انت مش عارف تأثيرها ؟؟
 
في مواقع كتير ممكن تفتحها في اجازه السوق وتعرف اهم الأخبار اللي ممكن تحصل الأسبوع ده وبالتالي هتبقي عارف ايه اللي ممكن يحصل في الأسبوع زي موقع :

http://www.forexfactory.com

وهنشرحه مع بعض : اول خطوه تظبط توقيت الموقع طبقاً لتوقيت الدولة اللي انت عايش فيها مثلا انا عايش في مصر هظبطه GMT +2  زي الصور اللي قدامك وبعد كده تختار calendar وتبدأ تشوف اهم الأخبار في الأسبوع .. الخبر اللي جمبه لون احمر ده مهم جداً ، اللي لونه برتقالي ده مهم بس مش بقدر اهميه الأحمر ، والأصفر هو الأقل اهميه.

 

التوقيت 1

التوقيت 2

الموقع 3

الموقع 4

 

طيب لو انا بقي حبيت أفهم تأثير الأخبار دي ايه علي سوق العملات : في مواقع كبيرة بتحلل الأحداث دي بمجرد صدورها منها المواقع العربية والاجنبية:

 

المواقع الأجنبية زي : 

 

المواقع العربية زي : 

 

الاجازات

 

4. الأجازات : خد بالك ان في اسواق بتكون اوقات اجازه عشان كده حركات السوق مبتكونش متوقعه فيفضل انك وانت بتبص علي اهم الأخبار في الأسبوع تشوف مين السوق اللي اجازه ( لو فيه ) . 

 

واخيراً خليني اذكرك ان في ناس بتعرف تكسب من الأوقات دي كويس اوي وده جه بخبره وممارسه وعلم ,, لو مش عارف ده تجنب التداول في الوقت ده عشان تقدر تكون في اكبر قدر من الآمان لحد ما تتعلم اكتر وخبرتك تزيد بشكل يخليك تعرف تتداول في اي وقت .. واهم حاجه حطها قدامك “طول ما انت ماشي بإدارة مخاطر مظبوطه“ي كل ما انت بقيت في الأمان اكتر وماشي بالشكل اللي يحافظ علي فلوسك ويساعدك تكسب أكتر فى المجال .

 

لو عايز تعرف ازاي تستثمر فلوسك وتعرف ازاي تكسب في مجال الفوركس بشكل سليم .. سجل بياناتك هنا : http://bit.ly/Course-borsa

شاهد ايضاً

ساعدنا في نشر المعرفةShare on LinkedInShare on RedditTweet about this on TwitterShare on Google+Share on Facebook
كريم عصام

كريم عصام

مدير إدارة التسويق و محلل فني للأسواق العربية بـ Chart Voice ، عمل سابقا كمحلل فني بشركة ICN للاستشارات المالية