علاء صبحي يكتب : الأوبشن .. ما هو وما الفرق بينه وبين الفوركس ؟


Print Friendly, PDF & Email

هنتناول في هذا المقال شرح الاوبشن والفرق بينه وبين الفوركس وايهم افضل .

 

*الاوبشن

 

ببساطه هو نوع من انواع العقود المستقبليه…. يعني هو عباره عن عقد لشراء او بيع سلعه او اداه ماليه في فتره زمنيه مستقبليه محدده! وتامين عليها بمبلغ محدد. ده كده تعريف الاكاديمي للاوبشن بس هحاول ابسط ال موضوع مع بعض بطريقه سهله وبسيطه جدا..

 

*ايه الفرق بين الاوبشن والفوركس

 

Buy / sell تعني شراء وبيع في الفوركس

Call / putتعني شراء وبيع في الاوبشن

حيث كول يعني شراء وبوت يعني بيع

2016-06-11_00-30-20

*الاوبشن بدون ستوب لوس

 

بمعني انت في فوركس بتحدد الاول قبل دخول اي صفقه ستوب لوس وتيك بروفيت الاوبشن مختلف لانك بتدخل كما سبق ذكره بقيمه عقد محدده.

 

مثال توضيحي

 

في فوركس قررت تدخل صفقه شراء علي يورو دولار  مثلا عقد ستاندرد وتيك بروفيت مثلا 50 نقطه في حاله انك ربحت ف انت ربحت 500 دولار (او حسب قيمه النقطه) .

لكن في الاوبشن انت هتشتري مثلا يورو دولار بعقد انت بتختاره مثلا 100 دولار قيمه العقد او 50 دولار حسب محفظتك في حاله ربحت الصفقه والسعر صعد هتكسب قيمه العقد بتاعك ال محدد مسبقا .

2016-06-11_00-32-02

*الاوبشن مش مقيد بعدد نقط

 

بمعني انت في فوركس بتحدد عدد بيبات ستوب لوس وال تيك بروفيت قبل دخولك للصفقه لكن الاوبشن مختلف انت بتحدد قيمه العقد حسب ما انت عاوز وربحك وخسارتك بتتحددعلي نقطه واحده فقط بعد دخولك للصفقه .

 

مثال توضيحي

 

انت مثلا اشتريت يورو دولار في فوركس عند سعر 1.2462وكنت داخل بعقد ستاندر وتيك بروفيت هو 8 بيب يبقي  هدفك هو 1.2470 كسبت 8 بيب ربح 80 دولار

لكن في الاوبشن مختلف انت دخلت شراء علي يورو دولار عند سعر 1.2462بقيمه عقد 80 دولار والسعر اتحرك بقا 1.2463هنا هتبقي انت كسبت 80 دولار لو اتحرك نقطه واحده فقط صعود ولو اتحرك نقطه واحده فقط هبوط هتبقي خسرت قيمه العقد .

 

الاوبشن مقيد بوقت

 

بمعني انت في فوركس بتدخل صفقه وممكن تسيبها يوم كامل يا تضرب بروفيت او متضربش لكن في الاوبشن الوضع مختلف شويه الشركه بتحددلك وقت معين تنتهي في صفقتك وفي كذا نظام وكذا وقت هنتكلم عنه بعدين

 

مثال توضيحي

 

انت اشتريت يورو دولار عند سعر 1.2462وقيمه عقد 80 دولار بتحدد هنا مده لازم الصفقه تقفل عندها بتكون الشركه محضره ليك كذا اختيار وكل لما الوقت قل كل لما الفلوس والربح زادت ف انت مثلا هتقفل الصفقه بعد 5 دقايق لو السعر صعد بيب واحده فقط انت رابح العقد ولو هبط نقطه واحده انت خسران العقد بتاعك .

2016-06-11_00-32-51

عموله الشركه

 

في حاله انك حققت ربح ف انت بتاخد فقط في اغلب الشركات 85% من قيمه العقد ووقت الخساره بتخسر 100% ومثل ما سبق ذكره في حاله انك دخلت علي وقت طوويل نسبيا للصفقه النسبه ديه هتقل هتبقي مثلا 75% وكل ماتزود وقت تقلل نسبه

2016-06-11_00-33-24


 

*نتكلم بقا عن الانظمه في شركات الاوبشن

 

1.نظام بيناري

النظام ده الافتراضي العادي ال سبق ذكره في الامثله تتوقع صعود زوج معين تشتري عقد بقيمه انت محدهها في وقت انتهاء الصفقه انت محدده ولما ينتهي الوقت يا تكسب يا تخسر

 

2.نظام المقايضه

 في النظام ده انت بتحدد ما بين عملتين او سلعتين ايهما اقوي خلال فتره محدده ونفس النظام بتدخل بعقد محدده انت وكذلك الوقت المحدد لانتهاء الصفقه

3.نظام المدي الطويل

في النظام ده بتقدر تخش صفقات ب قيمه عقد زي ما انت عاوز ولكن الفكره هنا ان الوقت المحدد لانتهاء الصفقه ال شركه بتجعله متاح ليك بيكون طويل نسبيا يعني اقل شي شهر في 6 شهور وسنه يعني تدخل صفقه تخرج منها يا كسبان ياخسران بعد سنه .

  1. نظام ثواني

ده مخصص للناس ال بتشتغل سكالبينج بتدخل صفقه بعقد انت محدد قيمته بس وقت انتهاء الصفقه بيكون بالثواني يعني ممكن 60 ثانيه 80 ثانيه 120 ثانيه وكله بينطبق عليه نفس الشروط للربح في حاله البيع اذا سعر نزل بيب واحده فقط وقت انتهاء المده تكون ربحت قيمه العقد

5.لمسه واحده

النظام ده بيكون انك محدد هدف معين لنموذج سعري مثلا راس وكتفين فهدف النموذج ده بيكون خلال فتره معينه بتدخل صفقه ولو السعر ضرب الهدف تكسب العقد هنا مش بعد نهايه ال مده لكن خلاااال المده المحدده النظام ده معروف ان في حاله تحقيق الربح بيعدي نسبته 300%

 

6.نظام السلم

النظام ده بيكون الشركه محدده ليك مستويات سعريه وانت بتحلل فني عادي جدا وبتشوف حسب وجهه نظرك السعر هيروح اي منطقه سعريه وبتدخل صفقه وفي وقت محدد كل ما كان الهدف ابعد كل ما كان نسبه الربح اكبر ممكن كمان تعدي 105%


 

اذا اي المجالين افضل ولماذا؟

4658294-3x2-700x467

من رايي انا الفوركس افضل اذا وجد عندك ادراه راس مال سليمه وقويه اذا لاقلق عليك والفوركس مجال ممتاز ليك. اذا كان علي ربح السريع فهو مخاطره ايضا سريعه الفوركس تقدر برافعه عاليه تزود لوت وتزود مخاطرتك .اذا كان علي عموله الشركه فالفوركس شركاته عمولتهم اقل بكتيير من الاوبشن…. ميزه الاوبشن عند اغلب المتداولين هي ربح سريع وايضا هنالك مخاطره عاليه جدا لان وراد جدا تخسر الفوركس كذلك تقدر تعمل ربح سريع بسكالبينج ولكن مخاطره اقل في ستوب لوس وفي ترايلينج ستوب وغيره .. اذا الفوركس افضل ناهيك عن الاوبشن حرام شرعا لانه مقيد بوقت انتهاء لاي صفقه وده يعتبر رهاااااااان.

 

[alert type=warning] ” هذه المقالة تعبر عن رأي صاحبها ، و ليس من الضروري أن تعكس رأي Chart Voice “ [/alert]

شاهد ايضاً

ساعدنا في نشر المعرفةShare on LinkedInShare on RedditTweet about this on TwitterShare on Google+Share on Facebook
علاء صبحي

علاء صبحي

قلم حر : محلل فني في اسواق المال